പാലക്കാട് കുളത്തില്‍ വീണ് മൂന്ന് കുട്ടികള്‍ക്ക് ദാരുണാന്ത്യം; മരിച്ച രണ്ട് പേര്‍ സഹോദരങ്ങള്‍

പാലക്കാട് കല്ലടിക്കോട് മൂന്നേക്കർ ഭാഗത്ത് കുളത്തില്‍ വീണ മൂന്ന് കുട്ടികള്‍ക്ക് ദാരുണാന്ത്യം. മരിച്ച രണ്ട് പേർ സഹോദരങ്ങളാണ്.

രണ്ട് ആണ്‍കുട്ടികളും ഒരു പെണ്‍കുട്ടിയുമാണ് മരിച്ചത്.

പത്ത് വയസ്സുകാരി രാധിക, അഞ്ച് വയസ്സുകാരൻ പ്രതീപ്, നാല് വയസ്സുകാരൻ പ്രതീഷ് എന്നിവർക്കാണ് ദാരുണാന്ത്യം സംഭവിച്ചത്. തുടിക്കോട് സ്വദേശി തമ്ബിയുടെ മകളാണ് മരിച്ച രാധിക.

തുടിക്കോട് സ്വദേശി പ്രകാശിന്റെ മക്കളാണ് പ്രതീപും പ്രതീഷും. കുട്ടികള്‍ കുളത്തില്‍ വീണയുടനെ സമീപവാസികള്‍ ഓടിയെത്തി രക്ഷപ്പെടുത്തിയെങ്കിലും മൂന്ന് പേരുടെയും ജീവൻ നഷ്ടമാവുകയായിരുന്നു.