രാഹുലിന്റെ രാജി ആവശ്യപ്പെട്ട് സണ്ണി ജോസഫും; ഹൈക്കമാൻഡിനെ നിലപാടറിയിച്ചു
രാഹുലിന്റെ രാജി ആവശ്യപ്പെട്ട് സണ്ണി ജോസഫും; ഹൈക്കമാൻഡിനെ നിലപാടറിയിച്ചു
രാജി വേണമെന്ന നിലപാട് അദ്ദേഹം ഹൈക്കമാൻഡിനെ അറിയിച്ചു. പെണ്‍കുട്ടിയെ കൊല്ലാൻ നിമിഷങ്ങള്‍ മതിയെന്ന രാഹുലിന്റെ ശബ്ദരേഖയാണ് സണ്ണി ജോസഫിനെ മാറ്റി ചിന്തിപ്പിച്ചത്.
പ്രതിപക്ഷനേതാവ് വി.ഡി സതീശനും രമേശ് ചെന്നിത്തലയും രാഹുല്‍ എംഎല്‍എ സ്ഥാനം രാജിവെക്കണമെന്ന നിലപാട് നേരത്തെ തന്നെ വ്യക്തമാക്കിയിരുന്നു. എന്നാല്‍ യൂത്ത് കോണ്‍ഗ്രസ് പ്രസിഡന്റ് സ്ഥാനം രാജിവെച്ച സാഹചര്യത്തില്‍ മറ്റൊരു രാജി വേണ്ട എന്ന നിലപാടിലായിരുന്നു സണ്ണി ജോസഫ്. എന്നാല്‍ ഇന്നലെ ഉച്ചയോടെ പുറത്തുവന്ന ശബ്ദരേഖയില്‍ പെണ്‍കുട്ടിയോട് തന്നെ കൊല്ലാനാണെങ്കില്‍ ഒരു നിമിഷം പോലും വേണ്ട രാഹുലിന്റെ സംസാരമാണ് സണ്ണി ജോസഫ് നിലപാട് മാറ്റാൻ കാരണം.
രാഹുല്‍ രാജിവെച്ചാല്‍ പാലക്കാട് ഉപതെരഞ്ഞെടുപ്പില്‍ ബിജെപി നേട്ടമുണ്ടാക്കുമോ എന്നതാണ് ഹൈക്കമാൻഡ് ആശങ്ക. എന്നാല്‍ പാലക്കാട് അങ്ങനെയൊരു സാഹചര്യമില്ല എന്നാണ് കെപിസിസി നേതൃത്വം ഹൈക്കമാൻഡിനെ അറിയിച്ചത്. പാലക്കാട് ബിജെപിയില്‍ പടലപ്പിണക്കങ്ങളുണ്ട്. മാത്രമല്ല രാഹുല്‍ രാജിവെക്കുന്നതോടെ പാർട്ടിക്ക് പുതിയ ഒരു പ്രതിച്ഛായ കൈവരുമെന്നും കേരള നേതാക്കള്‍ കരുതുന്നു. കെപിസിസി പ്രസിഡന്റ് കൂടി രാഹുലിന്റെ രാജി ആവശ്യപ്പെട്ടതോടെ ഉടൻ തീരുമാനം ഉണ്ടാകുമെന്നാണ് സൂചന.
Comments
Post a Comment